新春大吉

上星期在腦場某相機店搵料，負責人 C 君一見面就說：「ＸＸ前兩日都落左黎影啲紅色嘢喎。」「係呀，新年人人都做呢啲題目架啦。」我連忙回答。恰巧當時生果報行家 T 君也在場，正與 C 君研究「新春優惠券」之類，T 君也對我笑說：「新年，係要做埋呢啲嘢架啦！」。

對於個別傳媒機構來說，農曆新年絕對是惡夢，因為前線和後勤也要在新年前的一星期內連續趕起兩期書。但對於跟開 DC 的記者或編輯來說，無新機出更加是一個超級頭痛的大問題。走到腦場，話題之間總是「呢排好靜」，平時不少只是習慣寫 Product 的行家，一到這個非常時期，諗專題立即諗爆頭，甚麼維港煙花匯演拍攝實戰篇、拜年團體照拍攝技巧，都要立即上馬。想寫回最熟悉的產品？惟有翻炒舊機做 Review、將機仔當勁機做，又或是將所有紅色的東西炒埋一碟介紹。

「PMA 快些來就好了。」其實不少人的心中，也在祈求著這個新年願望。